MYVUELING GUNE PRIBATUKO BALDINTZA OROKORRAK

Vueling Airlines, S.A.-k (aurrerantzean «Vueling») Myvueling bitartez honako zerbitzuok eskaintzen dizkie bere bezeroei: (i) bere datu pertsonalak automatikoki berreskuratzea www.vueling.com web gunearen bitartez produktuak eta zerbitzuak erosteko eragiketetan, (ii) aipatu erosketa-eragiketen historikoa edo laburpena kontsultatzea eta (iii) Vueling-ek bere www.vueling.com web gunean eskaintzen dituen produktu eta zerbitzuei buruzko informazio komertziala bidaltzea, (iv) konpainiaren "Punto" izeneko doako fidelizazio programara doan sartzea; borondatez puntuak lortu eta Punto programak eskaintzen dituen zerbitzu eta produktuengatik aldatzeko modua ematen du, honako Myvueling gune pribatuko baldintzetan eta Punto programaren Baldintza operatiboetan jasotako forma eta terminoetan (v) zenbait baldintza eta egoera jakinetan, halaber, “Iberia Plus” programari dagozkion “Avioak” lortzeko aukera ere ematen du, www.vueling.com gunearen bitartez erositako Vueling-en hegaldiengatik, eta “Optima” eta “Excellence” tarifetan erosten badira, beti ere Iberia Plus txartelaren titularra hala identifikatzen bada erreserba egiteko unean.

1. Definizioak

Irakurketa errazte aldera, ondoren honako Dokumentuan jasotako terminoak definituko ditugu, maiuskulaz eta ordena alfabetikoan:

KOMUNIKAZIO-BIDEAK: Myvueling-eko kide pribatu bakoitzak Vueling-ekin harremanean jartzeko dituen bideak dira. Barne hartzen dituzte, bereziki: (i) MYVUELING web-ingurua, behin sartzeko klabeak behar bezala sartuta («On-line kanala»), eta (ii) bezeroari arreta emateko telefonoa.

MYVUELING-EKO BALDINTZAK: Vueling-ek myvueling-eko gune pribatua arautzeko ezarritako oinarrizko arauen multzoa da, honako Dokumentuan jasotzen direnak.

MYVUELING KIDEA: myvueling alor pribatuko Baldintzen arabera aurrez aipatu alor pribatuan horretan behar bezala erregistratu den pertsona da; horrek honako Baldintza hauen berariazko onespena dakar berekin.

2. Myvueling-en parte hartzea

Myvueling alor pribatuko kide izateko honako betebehar eta baldintzak aintzat hartu beharko dituzu:

i. Myvueling-eko kideak berariazko konpromisoa hartzen du benetako datuak, zehatzak eta eguneratuak emateko. Hortaz, Vueling-ek betekizun hori errespetatzen ez duten datuak eman direla antzematen badu, Kide horri baja emateko modua izango du, Kideak baldintza horiek bete dituela egiaztatzen ez badu.

ii. Myvueling-eko kideak hirugarrenen datu pertsonalak ematen dituenean, horien berariazko baimen idatzia izan beharko du bere datuak myvueling alor pribatuko Kidearen profilean sartzeko. Halaber, 14 urte baino gutxiago dituzten adingabeen datuak ematekotan, adingabearen legezko ordezkariaren baimena izan beharko du, aurrez deskribatu moduan. Ondorioz, Vueling-ek Kideari eskatu ahal izango dio, edozein unetan, baimen hori lor dezala; hortaz, Kideak behar adina froga ez aurkeztekotan, Vueling-ek baja emango dio, bere datuak aurrez blokeatuta, myvueling alor pribatuko Kideari, arau-hauste horretatik eratorri daitezkeen kalte-ordainak eskatzeari kalterik egin gabe.

iii. Myvueling-eko Kideak www.vueling.com gunean agertzen den Programari atxikitzeko eskaera behar bezala bete beharko du, honako Programaren Baldintza hauek onetsiz. Vueling-ek Kideak aipatu gune pribatuaren garapenaren esparruaren barruan ematen dituen datu pertsonalak kudeatuko ditu, honako Baldintza hauetako 3. atalean jasotako pribatutasun-politikaren arabera.

iv. Myvueling-eko Kide izatea pertsonala da, eta izaera horretatik erator daitezkeen eskubideak ezin zaizkio beste inori igorri.

v. Kide bakoitzak, myvueling-en izena ematean, bere izen-deituren eta harremanerako e-postaren berri emango du. Halaber, Kideak pasahitz bat sartu behar izango du, bere identifikazio-kodearekin batera bere sarbide-datuak osatuko dituztenak. Myvueling-eko Kide bakoitzak bere pasahitza eta e-posta gordetzeko ardura izango du, eta biak ere pertsonalak eta besterenezinak dira. Vueling-ek Kideei pasahitza aldatzeko beharraren berri eman ahal izango die Kideei, segurtasun-arrazoiak direla-eta. Vueling-ek myvueling-eko Kideak online kanalean bere e-postaren bitartez jardutean ezagutuko ditu eta kontu pertsonalera sartzeko modua emango die pasahitza sartuta bakarri. Vueling ez da, inola ere, hirugarrenen sarreren ondorioen erantzule izango, myvueling-eko Kide baten e-posta eta pasahitza erabiltzen badute.

vi. Kode identifikatzailearen edo pasahitzaren galera Vueling-i jakinarazi beharko zaio, ahal bezain laster, aurreko 1. Klausulan jasotako edozein Komunikazio Bide erabilita.

vii. Myvueling gune pribatuko kide izateak ez du batere kosturik Kideentzat.

viii. Myvueling gune pribatuaren iraupena mugagabea izango da. Hala ere, Vueling-ek bere esku hartzen du aipatu Programa edozein unetan bertan behera uzteko eskubidea, amaitutzat emango den eguna baino 3 hilabete lehenago jakinarazita.

3. Datuen babesa

1. Datuen babesari dagokionez aplikagarria den araudiari jarraiki, Vueling-ek bere Kideei jakinarazten die hauek myvueling gune pribatuan parte hartzeko ematen dizkioten datu pertsonalak (aurrerantzean «Datuak»), Vueling-en titulartasuneko fitxategi bati gehituko zaizkiola, eta bere kideei honako zerbitzuak eskaintzeko helburuarekin tratatuak izango direla:

i. Kidearen izen-emate eta bajaren gestioa myvueling gune pribatuan.
ii. Punto programako erabiltzailea bada, Vueling puntuak lortu eta aldatzea kudeatzea
iii. Fidelizazio-zerbitzuak eskaintzea.
iv. Kideei www.vueling.com web guneko produktuen erosketa-prozesu eta gauzatutako zerbitzuen historikoa edo laburpenak kontsultatzeko modua ematea, aurrez erabiltzailearen izena eta dagokion Kidearen pasahitza sartuta.
v. Kideen datuen berreskurapen automatiko-zerbitzua ematea www.vueling.com web guneko produktuen erosketa-prozesu eta gauzatutako zerbitzuetan, aurrez erabiltzailearen izena eta dagokion Kidearen pasahitza sartuta.
vi. Administrazio-, zerga-, kontabilitate eta merkataritza-jarduerak gauzatzea bere Kideak fidelizatzeko. Hartara, myvueling gune pribatuan gertatzen diren jazoerak jakinarazi egingo dira eta Kideari newsletter-ak bidaliko zaizkio Vueling-ek eta bere Entitate Laguntzaileek eskainitako produktu eta zerbitzuen eskaintza pertsonalizatuekin, bere www.vueling.com web gunearen bitartez.

2. Vueling-ek bere Kideei jakinarazten die Vueling-ek «Erregistro Datuak» Atalean eskatutako datu pertonalei dagozkien eremuetan, batere markarik ez dutenak halabeharrez bete behar direla, bestela ezin izango dira myvueling gune pribatuaren berezko zerbitzuak eskaini, Klausula honetako aurreko atalean artean jaso bezala; Vueling-ek eskatutako gainerako datuek, (*) batekin markaturikoek alegia, borondatezko izaera dute, baina horiek emateari uko egiteak Vueling-ek myvueling gune pribatuaren barne diren zerbitzuak areago pertsonalizatzea galaraziko du.

3. Kideek datuetara sartu, zuzendu, ezabatu edo aurka egiteko eskubideak gauzatzeko modua izango dute, edozein unetan, Vueling Airlines, S.A. Lege Departamentura zuzendutako idazkia bidaliz. Pla de L’Estany, 5. Mas Blau II Industria Poligonoa. El Prat de Llobregat. 08820 (Bartzelona), identifikatuko dituen dokumentu ofizialaren fotokopia atxikita.

4. Beste baldintza batzuk

1. Myvueling-en Baldintzen aldaketa: Vueling-ek edozein unetan myvueling gune pribatu Programaren Baldintzak aldatu ahal izango ditu. Halaber, Puntu Plana aldatu ahal izango du aldez aurretik jakinarazi gabe. Baldintza hauen inguruko eguneratze edo aldaketa oro http://www.vueling.com/booking/myvueling gunean argitaratuko da beti.

2. Honako Oinarrizko Baldintza Orokorrak "PUNTO PROGRAMAREN BALDINTZA OPERATIBOEKIN" osatzen dira; Puntuak lortu eta erabiltzeko prozesuaren xehetasunak jasotzen dituzte, eragiketa genero bakoitzari aplika dakizkiokeen berezitasun eta guzti, eta Interneten beti ere eguneratuta aurkitzen direnak, Vueling-en www.vueling.com web gunearen bitartez. Myvueling eta Punto Baldintzek unitate bakarra osatzen dute eta Espainiako Erresumako Legeen arabera interpretatu eta aplikatuko dira, gaztelerazko bertsioa gainerako itzulpenen aurrean gailenduko delarik. Bezeroek bere gain hartuko dute Programaren erabileratik eratorritako erantzukizuna bizi diren herrialdetan, kasuan kasu aplikatu beharreko legeriaren arabera.
Honako Baldintza Orokorrak interpretatu eta aplikatzean sor daitekeen edozein auzirako, parteek, egokitu dakiekeen foruari berariaz uko eginez, Madril hiriburuko epaitegi eta auzitegien jurisdikzioaren pean jartzen dira.

PUNTO PROGRAMAREN BALDINTZA OPERATIBOAK

1. Definizioak

PUNTU PLANA: Punto Programak barne hartzen du (i) hainbat zerbitzu edo produktu kontsumitzerakoan lor daitezkeen Vueling Puntuei buruzko informazio operatibo guztia, (ii) Vueling Puntuak aldatuz lor daitezkeen zerbitzu eta produktuak, eta (iii) aldaketa edo erredentzio-eragiketa bakoitzerako beharrezkoa den Vueling Puntu kopurua, une bakoitzean aldatu ahal izango dena Puntu Planaren arabera.

VUELING PUNTUAK: Punto kide gisa identifikatzen diren Myvueling gune pribatuko Kideek jasotzen dituztenak dira, eta Vueling-en edo bere Entitate Laguntzaileen zerbitzu edo produktuak kontsumitzeagatik sortzen direnak.

ENTITATE LAGUNTZAILEAK: Vueling-ekin batera bere produktu eta zerbitzuak kontsumituz Vueling puntuak lortzeko modua ematen duten entitateak dira, baita honako Dokumentu honetako 3.1 Klausulan jasotako zerbitzu guztien eskaintza ere. Vueling-ek ez du bermatzen Entitate Laguntzaileak Programa honetan jarraituko dutenik. Gaur egun Vueling-ekin batera aritzen diren Entitate Laguntzaileak honakoak dira: ETrawler Limited, Booking.com B.V. eta Bartzelonako Aurrezki eta Pentsio Kutxa.

2. Punto-n parte hartzea

Myvueling Kide bakoitzak Punto kontu bat izango du esleituta; bertan Vueling Puntuen zerrenda agertuko da, une bakoitzean Vueling Puntuen saldoa adierazteko, baita Kideak www.vueling.com web guneareb bitartez on-line eskuratutako produktu eta zerbitzuen erosketa-eragiketen historikoa ere, izaera pertsonala eta besterenezina izango duena.

Programa amaituko balitz, haren Kideek pilatuta dauzkaten Vueling Puntuak 6 hilabeteko gehienezko epean trukatu ahal izango dituzte. Programa bertan behera geratuko da, aurrez jakinarazteko beharrik gabe eta batera erantzukizunik gabe eta ez da puntu honetan aurrez ezarritakoa aplikagarria izango edozein unetan ezinbesteko arrazoirik edo hura jarraitu edo garatzea galarazten duten lege-inposiziorik emango balitz.

Trukatu edo ludituk gabeko puntuak horiek lortu eta 3 urteko epean iraungiko dira. Vueling puntuak kontua ez erabiltzeagatik ere iraungi egingo dira, lortu eta 18 hilabeteko gehienezko epean. Erabilera eza kontuak lortu edota trukatze-eragiketarik egiten ez den epe gisa definitzen da. Hortaz, PUNTOko kide batek ez badu 18 hilabetetan eragiketarik egiten, bere puntuak automatikoki iraungiko dira.

Vueling-ek ez du bere gain hartzen jatorria Entitate Laguntzaileen zerbitzu edo produktuak eskuratzean duten egiteen ardurarik, ezta hauen eta Punto+myvueling Kideen arteko harremanetan ere; aipatu Entitate Laguntzaileen zerbitzu eta produktuen erabilera edo kontsumotik eratorritako Vueling Puntuen esleipen zuzenari erantzutera mugatuko da.

3. Puntuak lortzea.

1. Vueling Puntuak Vueling-en edo Entitate Laguntzaileen produktu edo zerbitzuak erosi edo erabiltzerakoan lortuko dira, une bakoitzean Puntu Planean jasotzen diren terminoetan, beti ere kontratazio edo eskuratzen horren unean bezeroak bere burua Punto Programako Kide gisa identifikatzen badu. Informazioa emate aldera, Vueling Puntu bat (1) lortuko da bi euro (2€) bakoitzeko, www.vueling.com web gunean egindako Vueling-ek operaturiko hegaldien erosketan, Vueling-en “Básica”, “Optima” eta “Excellence” tarifen pean egindako erreserbei badagozkio.

2. Txartelaren erreserba egiteko unean Puntoko Kideak ez badu bere posta elektronikoa adierazi erreserba horri dagozkion Vueling Puntuak lortzeko, hurrengo 90 egunetan egiteko aukera izango du, "Puntuak Berreskuratu" izeneko atalean. Erreserbako bidaiari gisa agertzen diren Puntoko Kideek bakarrik jasokot dituzten Vueling puntuak, eta ez erosleak bakarrik.

3. Punto kontua egunero gaurkotuko dira aipatu Programako Kideen lortu eta kontsumitzen dituzten Vueling Puntuei erreparatuta. Entitate Laguntzaileen produktuak edo zerbitzuak eskuratzeagatik lortutako Vueling Puntuen idazpena, halaber, benetako eskuratzea egiaztatzen bada gauzatu ahal izango da; Kide bakoitzak 90 eguneko epea izango du horretarako. Egiaztapenak Puntoko Kide bakoitzak aipatu zerbitzu edo produktu horiek kontsumitu dituela behar bezala ziurtatzen duten fakturak edo dokumentazioa eskatuko du.

4. Ez dago Kideen artean Vueling Puntuen transferentzia egiterik. Hala ere, Puntoko Kideak aukera izango du Vueling Puntuak trukatzean lortutako zerbitzuak edo produktuak gozatzeko onuradun bat izendatzeko.

4. Vueling Puntuak luditu edo trukatzea

1. Vueling Puntuak Punto Programaren arabera trukatu edo luditzeko, beharrezkoa izango da aipatu Programako Kide gisa identifikatzea, on-line kanalaren bitartez bere nortasuna akreditatuz. Arrazoi teknikoak direla eta online inguruaren bitartez trukatzeko modurik izango ez balitz, Puntoko bezeroaren arreta-zerbitzu atalarekin harremanean jartzeko modua izango da; bertan beste hautabide batzuk eskainiko dira.

2. Vueling Puntuak Vueling-ek operatutako hegaldien truke aldatu ahal izango dira, Vueling-en “Básica” tarifakoengatik bakarrik, Vueling-en Puntu Planaren arabera. Vueling Puntuak ezin izango dira, inola ere, diruarengatik trukatu. Vueling Puntuak ezin izango dira diruz osatu une bakoitzean Punto Planean ezarritako zerbitzu edo produktuak eskuratzeko.

3. Vueling Puntuak luditzeko, hegazkin-txartelen kargu, honako arauak aplikatuko dira:

i. Puntoko Kideak, edozein kasutan ere, dagozkion aireportuko tasak ordaindu beharko ditu, baita txartela lortzeagatik sor litekeen bestelako edozein kargu, gastu edo gainerako zerga ere. Hala ere, Punto Kideak erreserba horiek kontratatzeagatik sortutako tasa eta zergek eragindako Vueling puntuak berreskuratu ahal izango ditu, bere Punto e-posta jakinaraziz hartara esleitutako tokian, "Zure hegaldia" ataleko 2. urratsean.

ii. Une bakoitzean plazak eskura egotea ezinbestekoa da.

iii. Vueling Puntuen kargura jaulkitako txartelek txartelak berak onartzen baditu bakarrik onartuko du aldaketarik, eta Vueling-en Garraio Baldintzetan ezarritako termino eta baldintzetan. Edonola ere, txartela tarifa handiagoko batengatik aldatzeko modua izango da bi txartelen arteko Vueling Puntuen ezberdintasuna Kideak bere kontuak eskura dituen Vueling Puntuen kargura ordaintzeko aukerarik balego.

Vueling-ek Puntu Plana aldatu ahal izango du aldez aurretik jakinarazi gabe. Baldintza hauen inguruko eguneratze edo aldaketa oro http://www.vueling.com/booking/myvueling gunean argitaratuko da beti.